Mat 8:14-17 | EweBEE | STEP | Esi Yesu kple eƒe nusrɔ̃lawo va Petro ƒeme la, ekpɔ Petro lɔ̃xo wònɔ anyimlɔƒe le ŋudza sesẽ aɖe lém.

Matthew 8:14-17

Yesu da gbe le Petro lɔ̃xo kple dɔléla bubu geɖewo ŋuti

(Marko 1:29-34; Luka 4:38-41)

14 Esi Yesu kple eƒe nusrɔ̃lawo va Petro ƒeme la, ekpɔ Petro lɔ̃xo wònɔ anyimlɔƒe le ŋudza sesẽ aɖe lém. 15 Yesu ka asi eƒe asi ŋu eye eƒe lãme sẽ enumake. Ale wòtso yi ɖaɖa nu va ɖo wo kɔme.

16 Gbe ma gbe ƒe fiẽ la, wokplɔ ame geɖe siwo gbɔgbɔ vɔ̃wo nɔ fu ɖem na la va Yesu gbɔe, eye ne wògblɔ nya ɖeka ko la gbɔgbɔ vɔ̃awo doa go le ameawo me hesina dzona. Ale dɔnɔwo katã ƒe lãme sẽ. 17 Esia wu nyagblɔɖila Yesaya ƒe nyawo nu be, “Etsɔ míaƒe vevesesewo eye wòde ta míaƒe dɔlélewo te.”